Ko posledno vreme amari komuna soočinelape jekhe bare problemeja a adala tane o ulična hem “domašna a mukle pravde dzukela ki ulica” povekjeto taro opasna rase sar soj Pitbull hem nesave bare gabaritna dzukela.
Pravgjola o vreme amare maksmija kelena avrijal, vozinena točakija.
Erati asavke dzukela tane sebepi mo čavo te ovel ko gipsi ko vas, modrinke ko celo telo hem te ovel povredimo ko sero, ko muj (phago dand). Hem te phira tari bolnica ki bolnica dzi ko 4 sabajle.
Jasno amengje deka o Diz Skopje hem olakoro Sovet kelena peske igra na mačka i glušec, a panda pojasno kaj amari Komuna Šuto Orizari naela asavko nadležnost, ama o Komunalno redarija šaj reagirinena ki piri nadležnost.
Baši adala so živinaja ki Šutka, a arakhena dzukela na mukhenape taro asavke opasna rase phravde te lutinen ulice, erati sine mo čavo tajsa šaj tumare čavengje te desinelpe ko vavera ulica. Te ova sovesno te mislina amare postapkencar mate ana nekaskoro životo ko opasnost.
Nilajeske amari komuna tani raždvižimi, phiraja, kelena amare maksmija, vozinena točakija, električna trotineja. Šukur Allaheske namestime ulice isi amen akana, na trebela te ova dušmanja korkori amengje, trebela te arakha amen, a na te ana amen ko opasnost.
