Автомобилот што го управува градоначалникот на Шуто Оризари, Курто Дудуш, а е во сопственост на неговата сопруга Фатима Османовска, бил запален ноќеска во инцидент што отвора сериозни сомнежи за можна лична закана или порака упатена кон градоначалникот.
Имено, според наши информации, пожарот бил подметнат околу 3:30 часот по полноќ. Неофицијално, безбедносни камери регистрирале маскирано лице кое истурило запалива течност врз возилото, по што истото било опожарено.
Настанот го забележале сопствениците, а случајот е потврден и од полицијата, која истата презема мерки за расчистување на случајот и идентификација на сторителите.
Засега нема официјални информации за мотивите, но се разгледуваат сите можни аспекти, вклучително и дали станува збор за директна закана кон градоначалникот.
Повеќе информации се очекуваат во текот на денот…
Hazri kerga: Roma Press
